ცნობილი ქართველი მოდელი და დიზაინერი თაკო ჩხეიძე ფანებს ნატიფი მანერებით, ფრანგული სილამაზითა და დახვეწილობით ანებივრებს. შესაბამისად, თბილისის მოდის კვირეულის დამფუძნებელი საქართველოში ულამაზეს ქალბატონად ითვლება.
მისი სილამაზით საზოგადოება ჯერ კიდევ მაშინ მოიხიბლა, როდესაც თინეიჯერი თაკო პოდიუმზე პირველად გამოჩნდა. უმშვენიერესი გარეგნობის მქონე გოგონა ხალხმა მალევე შეიყვარა და ის მცირე დროში საკმაოდ პოპულარული გახდა.
4 დღის წინ თაკო ჩხეიძე პარიზში მეუღლესთან - აფხაზეთის ა\რ თავმჯდომარე რუსლან აბაშიძესთან ერთად გაემგზავრა.
აქედან, საზოგადოებისთვის ცნობილი გახდა, რომ წყვილი პარიზში მოგზაურობს. მოგვიანებით, კი თაკოს გაზიარებული ფოტო ყველასათვის სიურპრიზი აღმოჩნდა. მასზე ორი სუპერ მოდელი- ნატალია და თაკო ერთად მოხდენილად პოზირებენ.
თაკოს ფოტოებს მოწონება და კომენტარები არასდროს აკლდა, მაგრამ ეს ფოტო გამონაკლისი აღმოჩნდა. სოციალური ქსელის ყურადღება, ამჯერად, მათ გარშემო მოიქცა. კომპლიმენტები და დადებითი კომენტარები ჯერ კიდევ არ წყდება. ქართველმა მოდელმა, კი ფოტოს წარწერა დაურთო „ანათებს, შიგნიდან და გარედან“.