„კიდევ ვინ იწყებთ?“ - ნინო ჩხეიძე ენძელა მაჭავარიანთან ერთად დიეტაზეა

მომღერალი ნინო ჩხეიძე სოციალურ ქსელში ყავის და მოხარშული კვერცხის ფოტოს აქვეყნებს და საზოგადოებას დიეტის დაწყების შესახებ ამცნობს, თუ მისი ბოლოდროინდელი ფოტოებიდან ვიმსჯელებთ, მომღერალი უკრაინაში, მეუღლესთანაა სტუმრად და როგორც ჩანს, ზედმეტმა კილოგრამებმა შეაწუხა.

მომღერალი კითხულობს, ვინმე ხომ არაა მის მსგავსად დიეტაზე, რასაც დეპუტატი ენძელა მაჭავარიანი გამოეხმაურა და აღნიშნა, რომ ის დიეტას კი არ იწყებს, აგრძელებს.

ქართული შოუ-ბიზნესის ერთ-ერთმა თვალსაჩინო და გულახდილმა ვარსკვლავმა ცოტა ხნის წინ აღიარა, რომ ქმართან „ვირტუალური ოჯახი“ აქვს. მიუხედავად ამისა, ქალიშვილთან ერთად მეუღლეს საზღვარგარეთ ესტუმრა. ჩხეიძეს და პროდიუსერ გიორგი კორახაშვილის ურთიერთობა მრავალ წელს ითვლის.

მომღერალი 21 წლის იყო, ხოლო ბიზნესმენი 22-ის, როდესაც ერთმანეთი გაიცნეს. წყვილს საერთო შვილიც ჰყავს. თინეიჯერს მარიკო ჰქვია და 14 წლისაა.

მიუხედავად რთული პერიოდისა და დაკარგული მეგობრებისა, ნინო ჩხეიძემ აღიდგინა ძალები, დააფუძნა ბენდი NIO-band, შექმნა დახვეწილი და ჰაეროვანი თავსაბურავების ბრენდი NIO, გარდა ამისა რადიო „აფხაზეთის ხმის“ ეთერში შეგიძლიათ მოუსმინოთ მის გადაცემას „სტუმრად ნინოსთან“, რომლის ავტორი და წამყვანიც თავად მომღერალია.