თბილისი, 31 ივლისი - Sputnik. ურეკში, კაპროვანის დასახლებაში, შავ ზღვაში ორი ადამიანი დაიხრჩო, იუწყება ტელეკომპანია Rustavi2.
თვითმხილველების განცხადებით, ერთ-ერთი დაღუპული 12 წლის ბავშვია, მეორე კი ახალგაზრდა ქალი, რომელსაც ორი მცირეწლოვანი შვილი დარჩა. მისივე ცნობით, სამაშველო სამსახურის დახმარება დასჭირდა ასევე ერთ მოზარდს, რომელიც წყლიდან უვნებლად ამოიყვანეს.
ტელეკომპანიის ინფორმაციით, ორივე გარდაცვლილი ადგილობრივია.