თბილისი, 13 ივლისი — Sputnik. დღეს თბილისის მერიის ცხელი ხაზის მომსახურება შეჩერებული იქნება, ნათქვამია უწყების მიერ გავრცელებულ განცხადებაში.
გავრცელებული ინფორმაციით, ცხელი ხაზის მომსახურება კომპანია „სილქნეთის" მიერ დაგეგმილი ტექნიკური სამუშაოების გამო იქნება შეჩერებული.
ცხელი ხაზის ოპერატორები, მობილური ტელეფონების მეშვეობით მხოლოდ 112-ისა და საპატრულო პოლიციის ზარების მიღებას შეძლებენ.
თბილისის მერია ბოდიშს უხდის მოქალაქეებს შეფერხებული ზარებისთვის.