თბილისი, 4 ივლისი — Sputnik. რუსეთის შრომისა და სოციალური დაცვის სამინისტრო ქალებისთვის აკრძალული პროფესიების ჩამონათვალს ამცირებს, ნათქვამია უწყების საიტზე გამოქვეყნებულ ბრძანების პროექტში.
სუსტი სქესისთვის აკრძალული პროფესიების ჩამონათვალში შევა მხოლოდ 98 სახის სამუშაო, ნაცვლად ოცი წლის წინ დადგენილი 456-ისა.
განახლებული დოკუმენტი ძალაში 2021 წელს შევა, რის შემდეგაც ქალებს უფლება ექნებათ დასაქმდნენ: დიდი ტვირთმზიდების მძღოლებად, ელექტრომატარებლების მემანქანეებად, ავტომობილების ზეინკლებად, იმსახურონ გემებზე ბოცმანებად, შკიპერებად თუ მეზღვაურებად ა.შ.
ამასთან სამინისტრომ ძალაში დატოვა აკრძალვები, რომლებიც ეხება ქიმიურ წარმოებებში, ფერადი და იშვიათი ლითონების საწარმოებში, ნავთობის ჭაბურღილებსა და ავიაზეინკლებად ქალების დასაქმებას.
უწყების ინფორმაციით, ქალებისთვის აკრძალული პროფესიების ჩამონათვალზე მუშაობა ჯერ არ დასრულებულა.