თბილისი, 29 ივნისი — Sputnik. სენაკში, მდინარე ცივში მამა-შვილის ცხედრები იპოვეს, იუწყება ქართულ მედია.
გავრცელებული ინფორმაციით, მამა-შვილი მდინარეზე საბანაოდ იყვნენ წასული და მას შემდეგ აღარვის უნახავს. მაშველებმა მათი ძებნა გუშინ ღამით დაიწყეს.
„როგორც მაქვს ინფორმაცია საბანაოდ იყვნენ ჩასული. შემდეგ რა მოხდა არ ვიცი“, - განაცხადა სენაკის მუნიციპალიტეტის მერმა ლევან კუპრეიშვილმა.
არსებული ინფორმაციით, გოგონას გადარჩენას მამა ცდილობდა, რა დროსაც ორივე დაიხრჩო.
საგანგებო სიტუაციების მართვის სააგენტოს განცხადებით, სამძებრო ღონისძიებებში ექვსი მყვინთავი მონაწილეობდა.