სოციალური ქსელის მომხმარებელი საოცარი შემთხვევის შესახებ წერს, როცა ბაქოში ჩასულმა თბილისელმა ტურისტმა სავაჭო ცენტრში დაკარგა ტელეფონი. სამი დღის შემდეგ კი, როდესაც მას ტელეფონი დაუბრუნეს, ერთ-ერთი მაღაზიის მომსახურე პერსონალისგან სიურპრიზი დახვდა.
აღმოჩნდა, რომ ტელეფონი „ვაიკიკის“ თანამშრომლებმა იპოვეს, მასში ნომრები ნახეს და თბილისში ტურისტის ერთ-ერთ ახლობელს დაურეკეს. მას შემდეგ, რაც ადრესატმა დაკარგული ტელეფონი მიიღო, ტელეფონში იპოვა ფოტო, სადაც აზერბაიჯანელებს უჭირავთ ტრაფარეტი წარწერით We Love Georgia.
„მართლაც ორიგინალური სიყვარულის გამოხატვაა აზერბაიჯანელი ხალხის მხრიდან, სიკეთეზე და ყურადღებაზე რომ აღარაფერი ვთქვათ. მინიმუმ ვალდებულები არ იყვნენ შეწუხებულიყვნენ“, - წერს სოციალური ქსელის მომხმარებელი.