თბილისი, 19 ივნისი — Sputnik. ბოროტმოქმედებმა პეკინის გამზირზე ტექნიკის მაღაზია გაქურდეს, იუწყება პირველი არხი.
ქურდობა დილით, 06:40 საათზე მოხდა. ბოროტმოქმედებმა გატეხეს ვიტრინა და მაღაზიიდან 40 ათასი ლარის ღირებულების 30 მობილური ტელეფონი წაიღეს.
მაღაზიის თანამშრომლების განცხადებით, ეს გაქურდვის უკვე მეორე შემთხვევაა. სათვალთვალო კამერების ჩანაწერით მაღაზიის თანამშრომლები ვარაუდობენ, რომ ქურდობა არასრულწლოვნებმა ჩაიდინეს.
გამოძიება სსკ-ის „ქურდობის“ მუხლით მიმდინარეობს, რაც სამიდან ხუთ წლამდე პატიმრობას ითვალისწინებს.