თბილისი, 18 ივნისი – Sputnik. საქართველოში ნიდერლანდების საელჩო საკუთარ მოქალაქეებს აფრთხილებს და მოუწოდებს, შესაძლო ძალადობის თავიდან აცილების მიზნით დისტანცია დაიცვან „ღირსების მარშიდან“, აღნიშნულია საელჩოს „ფეისბუქის“ გვერდზე გამოქვეყნებულ განცხადებაში.
ნიდერლანდების საელჩო აფრთხილებს ჰოლანდიელ ტურისტებს, რომ არსებობს რისკი – ე.წ. კონტრაქციის მონაწილეებმა მათზე ძალა გამოიყენონ და იშველიებენ საქართველოს შინაგან საქმეთა სამინისტროს განცხადებას იმის შესახებ, რომ სამართალდამცველი უწყება ვერ უზრუნველყოფს ღონისძიების მონაწილეთა უსაფრთხოების გარანტიას, თუმცა მათ დაიცავს.
თბილისში „ლგბტ-პრაიდის კვირეული“ 18-23 ივნისის პერიოდშია დაანონსებული. ღონისძიების ფარგლებში დაგეგმილია საერთაშორისო კონფერენცია, მიძღვნილი ლგბტ-თემის პრობლემებისადმი, „ღირსების მარში“ და სხვა აქტივობები. გუშინ ორგანიზატორებს, სახალხო დამცველსა და შინაგან საქმეთა სამინისტროს წარმომადგენლებს შორის შეხვედრა შედგა, რის შემდეგაც სახალხო დამცველმა გაახმოვანა შსს-ს პოზიცია, რომ პრაიდი არ უნდა ჩატარდეს.