თბილისი, 13 ივნისი — Sputnik. თბილისში, ბაგებში „მეტრაპარკის“ ტერიტორიის მიმდებარედ მიკროავტობუსს სატვირთო ავტომობილი შეეჯახა, ავტოსაგზაო შემთხვევის შედეგად დაზიანებები მიიღო ერთმა ქალმა, რომელიც სასწრაფო დახმარების მანქანით საავადმყოფოში გადაიყვანეს.
შსს-ს ინფორმაციით, მომხდარ შემთხვევაზე გამოძიება 276-ე მუხლის მეორე ნაწილითაა დაწყებული, რაც სატრანსპორტო საშუალების მოძრაობის უსაფრთხოების, ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.