თბილისი, 4 ივნისი – Sputnik. მოსკოვის აეროპორტ „შერემეტიევოს“ საბაჟოზე დააკავეს მამაკაცი, რომელიც ცდილობდა რუსეთის ტერიტორიაზე უკანონოდ შეეტანა ძვირფასი ქვები და საიუველირო ნაკეთობები, იუწყება მოსკოვის სატრანსპორტო პროკურატურის პრეს-სამსახური.
საუბარია 33 ცალ დაწახნაგებულ ბუნებრივ ალმასზე, რომლებიც დაკავებულს წინდაში ჰქონდა დამალული.
გამოძიების ვერსიით, მამაკაცს, რომლის ვინაობა არ კონკრეტდება, ბრილიანტები ერთ-ერთი უცხო ქვეყნის ტერიტორიაზე გადასცეს.
საბაჟო კონტროლზე აღმოჩენილი კონტრაბანდა ჩამორთმეულია, ხოლო დაკავებულის მიმართ სისხლის სამართლის საქმეა აღძრული.
მამაკაცს 7 წლამდე პატიმრობა ემუქრება.