თბილისი, 30 მაისი — Sputnik. საქართველოს ფეხბურთის ფედერაციის პრეზიდენტი (სფფ) ლევან კობიაშვილი უეფას ფეხბურთის კომიტეტის თავმჯდომარის პოსტზე დაინიშნა, ნათქვამია სსფ-ის ვებგვერდზე გავრცელებულ განცხადებაში.
ეს არის პირველი შემთხვევა, როდესაც საქართველოს წარმომადგენელი უეფას ერთ-ერთი კომიტეტის უფროსის პოსტზე ინიშნება.
კობიაშვილის მოადგილე გახდება ბულგარეთის ფეხბურთის ეროვნული ფედერაციის პრეზიდენტი ბორისლავ მიხაილოვი. უეფას ფეხბურთის კომიტეტის ვიცე-თავმჯდომარეები გახდნენ: პაველ ჩებანუ (მოლდოვა), დეან სავიჩევიჩი (მონტენეგრო), ლუიშ ფიგუ (პორტუგალია) და დემეტრიო ალბერტინი (იტალია).
აღსანიშნავია, რომ უეფა აერთიანებს 19 კომიტეტსა და 6 საექსპერტო კავშირს, სადაც პირველად ექვსი ქართველი იქნება წარმოდგენილი.
კობიაშვილის გარდა, უეფაში საქართველოს შემდეგი წარმომადგენლები დანიშნეს:
დავით მუჯირი - ახალგაზრდული და სამოყვარულო ფეხბურთის კომიტეტის ვიცე-თავმჯდომარე.
კახა ჭუმბურიძე - უეფას განვითარებისა და ტექნიკური მხარდაჭერის კომიტეტის წევრი.
ალექსანდრე იაშვილი - უეფას ეროვნულ ნაკრებთა საშეჯიბრო კომიტეტის წევრი.
ნიკოლოზ ჯღარკავა - მასობრივი ფეხბურთის ექსპერტთა საბჭოს წევრი.
ოთარ გიორგაძე - უეფას მედია კომიტეტის წევრი.
უეფას გადაწყვეტილებით, შერჩეული კანდიდატები აღნიშნულ პოსტებს 2023 წლამდე დაიკავებენ.