რეპერმა ტიმატიმ მოსკოვში მოდის ფეერული ჩვენება გამართა

ბრენდმა Black Star, რომელიც რეპ-შემსრულებელ ტიმატის ეკუთვნის, მონაწილეობა მიიღო ამ სეზონის მოდური სიახლეების შექმნაში.

მაღაზიათა ქსელმა „რუსეთის არმია“ და რეპერი ტიმატის ბრენდმა Black Star სამხედრო სტილში საერთო კოლექცია წარმოადგინეს, რასაც „შავი ვარსკვლავი“ უწოდეს. სამოსის ხაზის პრეზენტაცია რუსეთის თავდაცვის მართვის ეროვნულ ცენტრში გაიმართა. ღონისძიებას ესწრებოდა თავდაცვის მინისტრი სერგეი შოიგუ. მან ტიმატისგან მიიღო საფირმო სამხედრო ქურთუკი, რომელიც განსაკუთრებული დიზაინით შეიქმნა.