თბილისი, 13 მაისი — Sputnik. ქუთაისის საერთაშორისო აეროპორტის საბაჟო-გამშვებ პუნქტზე პოლონეთის მოქალაქეს ნარკოტიკი აღმოუჩინეს, ნათქვამია საქართველოს ფინანსთა სამინისტროს შემოსავლების სამსახურის განცხადებაში.
ტურისტი მებაჟე ოფიცრის ეჭვის საფუძველზე შეამოწმეს. ფიზიკური დათვალიერების შედეგად, გამოვლენილია ნარკოტიკული ნივთიერების შემცველი მედიკამენტი (10 აბი ტრამალი).
აღნიშნულ ფაქტზე გამოძიება სსკ-ს 260-ე მუხლის 1-ლი ნაწილით მიმდინარეობს (ნარკოტიკული საშუალების, მისი ანალოგის ან პრეკურსორის უკანონო დამზადება, წარმოება, შეძენა, შენახვა, გადაზიდვა ან გადაგზავნა), რაც ისჯება თავისუფლების აღკვეთით ვადით ექვს წლამდე.