თბილისი, 10 მაისი — Sputnik. თბილისის საქალაქო სასამართლოს გადაწყვეტილებით როენა ხუცურაულს, იგივე „მამიდას", რომელსაც პროსტიტუციისთვის ხელშეწყობა ედება ბრალად, აღკვეთის ღონისძიების სახით გირაო შეეფარდა, იუწყება საზოგადოებრივი მაუწყებლის პირველი არხი.
სასამართლო სხდომაზე მან დანაშაული აღიარა.
ხუცურაულს, რომელიც სასტუმრო „მამიდის“ მფლობელია, 30 ათასი ლარის გირაოს გადახდა დაეკისრა.
მასთან ერთად დააკავეს სასტუმრო „მამიდის“ მოიჯარე, მეტსახელად „სალომე“ და სასტუმრო „გოლდის“ მფლობელი.
გამოძიებამ დაადგინა, რომ ისინი საკუთარ სასტუმროებში პროსტიტუციისთვის ნომრებს სისტემატურად აქირავებდნენ.