თბილისი, 7 მაისი — Sputnik. სამართალდამცველებმა საქართველოში ინტერნეტის საშუალებით ნარკოტიკების გაყიდვის მასშტაბური სქემა გამოავლინეს და შვიდი ადამიანი დააკავეს, განაცხადა შინაგან საქმეთა მინისტრის მოადგილემ ვლადიმერ ბორცვაძემ.
თბილისში დაკავებულთა შორის ცოლ-ქმარი და მათი ორი შვილია.
შვიდივე დაკავებულს აღკვეთის ღონისძიების სახით პატიმრობა შეეფარდა.
სისხლის სამართლის საქმე აღძრულია მუხლით „ორგანიზებული ჯგუფის მიერ განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და გასაღების ფაქტებზე", რაც 8-დან 20 წლამდე ვადით თავისუფლების აღკვეთას ან უვადო პატიმრობას ითვალისწინებს.