თბილისი, 19 აპრილი — Sputnik. შეიცვლებიან მხოლოდ ის მინისტრები, რომლებიც ვერ გაუმკლავდებიან მათი უწყების განვითარების საჭირო ტემპებს, განაცხადა საქართველოს პრემიერ-მინისტრმა მამუკა ბახტაძემ პრესკონფერენციაზე.
გიორგი ქობულია ეკონომიკისა და მდგრადი განვითარების მინისტრის პოსტზე ხუთშაბათს მისმა მოადგილემ ნათია თურნავამ შეცვალა.
„რა თქმა უნდა, თუ რომელიმე მინისტრი იმ ტემპს ჩამორჩება, რაც აუცილებელია იმისთვის, რომ ჩვენს საზოგადოებას ვაჩვენოთ შედეგი, რაც შევპირდით, ბუნებრივია, გადაწყვეტილება არ დააყოვნებს. ამ ეტაპზე არანაირი საკადრო ცვლილება არ განიხილება, მაგრამ მომავალში ჩვენ უნდა ვიხელმძღვანელოთ ციფრებითა და კონკრეტული შედეგებით. ჩემთვის ამოსავალი წერტილი გახლავთ ის, რაც გითხარით", – განუცხადა ჟურნალისტებს საქართველოს პრემიერ-მინისტრმა მამუკა ბახტაძემ.