თბილისი, 17 აპრილი — Sputnik. ქარელის რაიონის სოფელ ქვემო ხვედურეთთან ბათუმი–თბილისის ჩქაროსნული მატარებელი 40 წლამდე ასაკის მწყემსს დაეჯახა, იუწყება საზოგადოებრივი მაუწყებლის პირველი არხი.
გავრცელებული ინფორმაციით, მწყემსი ლიანდაგზე გადადიოდა, რა დროსაც მას მატარებელი დაეჯახა. მამაკაცი მიღებული დაზიანებების შედეგად ადგილზე დაიღუპა.
შემთხვევის ადგილზე კრიმინალისტები მუშაობენ.
გამოძიება საქართველოს სსკ-ის 275-ე მუხლის მეოთხე ნაწილით დაიწყო, რაც სარკინიგზო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც სიცოცხლის მოსპობა გამოიწვია. დანაშაული ხუთიდან შვიდ წლამდე ვადით თავისუფლების აღკვეთას ითვალისწინებს.