თბილისი, 7 მარტი — Sputnik. რეჟისორ გიორგი თავართქილაძის ფილმი „ცუდი ხალხი“ კანადაში მოკლემეტრაჟიანი ფილმების საერთაშორისო კინოფესტივალზე მოხვდა, იუწყება ტელეკომპანია Imedi.
კერძოდ, კინოფესტივალზე ფილმი თებერვლის თვის ნომინანტებს შორის სამი ნომინაციით მოხვდა: საუკეთესო მსახიობი – ვახტანგ ჩაჩანიძე; საუკეთესო რეჟისორი – გიორგი თავართქილაძე; საუკეთესო მეორეხარისხოვანი როლის შემსრულებელი მსახიობი – ჯანო იზორია.
გიორგი თავართქილაძის „ცუდი ხალხი“ მოკლემეტრაჟიანი მძაფრსიუჟეტიანი ფილმია. ფილმი საქართველოში 90-იანი წლების დასაწყისში მიმდინარე მოვლენებს და იმ პერიოდის რამდენიმე რეალურ ამბავს ასახავს.