თბილისი, 13 თებერვალი — Sputnik. ქუთაისში, ჭავჭავაძის გამზირზე ბუნებრივი აირის მილს წყლის მილი მიართეს, იუწყებიან ადგილობრივი საინფორმაციო საშუალებები.
გავრცელებული ინფორმაციით, მომხდარი ფაქტის შემდეგ ადგილობრივებს ბუნებრივი აირი აღარ მიეწოდებათ.
მოსახლეობის განცხადებით, ბუნებრივი აირის მილებში წყალი მოედინება.
ქუთაისელებს გაზმომარაგება რამდენიმე კვირაა პრობლემად ექცათ. რამდენიმე დღის წინ გავრცელდა ინფორმაცია, რომ ბალანჩივაძის ქუჩაზე ბუნებრივი აირის მილები, საიდანაც გაზი ჟონავდა, კომპანია „სოკარ ჯორჯია გაზის" წარმომადგენლებმა წებოვანი ლენტით შეფუთეს და ასე გააჩერეს გაჟონვა.