ნატალი ზურაბიშვილი - მხატვარ-დიზაინერი
„ბუნებასთან კავშირში რაცაა, ყველაფერი საოცრებაა. ალბათ არ არსებობს ხელოვანი, ვისაც ბუნება არ უყვარს. ძალიან კარგი შეგრძნებაა, როდესაც შეგიძლია ხელოვნებით გადმოსცე ის, რასაც გრძნობ და შენ მერე დატოვო.“
სოსო მეშველიანი - პოეტი და მწერალი
„პომპეზურობა თუ პოზიორობა ერთგვარი სენია თანამედროვე ავტორების. გულწრფელობას ყველაზე მეტად ვაფასებ შემოქმედში, ადრე გულუბრყვილოდ მჯეროდა, რომ ეს თავისთავად იქნებოდა, მაგრამ ბოლოს სახტად დავრჩი, როცა დავინახე, რომ გულწრფელობა შემოქმედ ადამიანებში მართლა იშვიათობა ყოფილა“.
ანა ლაღიძე – მხატვარ-დიზაინერი
„სილამაზე რომ შექმნა, ამისთვის საჭიროა სიყვარულის უნარი, ინტელექტი და განათლება. ზოგადად, შთაგონება ან მუზა შეიძლება ნებისმიერი რამ გახდეს.“
მარიამ კოზმანიშვილი- ფილოლოგი, პოეტი
„სიყვარულის დროს უამრავი ლექსი იწერება, მაგრამ სიყვარულიც ხომ ხშირად არაა სრულყოფილი? სიყვარულიც ტკივილთან ასოცირდება, ზოგჯერ ის მართლა ჰგავს ავადმყოფობას, მაგრამ გემრიელ ავადმყოფობას...
ნანა სუხაშვილი - ფიზიკოსი
„მე ვფიქრობ, რომ ფუჩეჩისგან დაწნული ერთი პატარა ანგელოზი ალბათ, ყველა ჩვენგანშია... მას უბრალოდ გაფრთხილება და მოფერება უნდა, ხშირად უნდა დავყვეთ მის ნებას და მაშინ სიკეთე არ მოგვაკლდება...“
ლელა ფერაძე - მხატვარ-ფერმწერი
„ყველაზე მნიშვნელოვანი ადამიანებთან ურთიერთობაა. ადამიანები! –ამისთვის ღირს ბევრი რამის ატანა, რადგან ესაა უფლის ყველაზე დიდი საჩუქარი“...