თბილისი, 28 იანვარი — Sputnik. სინოპტიკოსები უახლოეს დღეებში საქართველოს ტერიტორიაზე ჰაერის ტემპერატურის მატებას ვარაუდობენ - დასავლეთ საქართველოში +19 გრადუსია მოსალოდნელი.
გარემოს ეროვნული სააგენტოს მონაცემებით, 28-31 იანვარს ქვეყნის უმეტეს რაიონებში ნალექი მოსალოდნელი არ არის.
დასავლეთ საქართველოს დაბლობში ჰაერის ტემპერატურა +14-19 გრადუსი იქნება, ხოლო აღმოსავლეთში - +10-15 გრადუსი.
უახლოეს დღეებში თბილისში ძირითადად უნალექო ამინდი იქნება. ტემპერატურა +10-12 გრადუსს მიაღწევს.