თბილისი, 27 იანვარი - Sputnik. ჭავჭავაძის გამზირისა და კუს ტბის დამაკავშირებელი საბაგირო ერთი დღით შეცვლილი განრიგით იმუშავებს, ნათქვამია „თბილისის სატრანსპორტო კომპანიის“ განცხადებაში.
კერძოდ, ორშაბათს საბაგირო მგზავრებს 10:00-დან 22:00 საათამდე მოემსახურება. ჩვეულებრივ დღეებში საბაგირო 08:00-დან 22:00 საათამდე მუშაობს. საბაგიროს მუშაობის განრიგის შეცვლა გეგმიური ინსპექტირების ჩატარებას უკავშირდება.
„თბილისის სატრანსპორტო კომპანია ბოდიშს გიხდით შექმნილი დისკომფორტისთვის“, - ნათქვამია განცხადებაში.
ამჟამად თბილისში ორი საბაგირო ფუნქციონირებს - რიყის პარკიდან ნარიყალამდე და ჭავჭავაძის გამზირიდან კუს ტბამდე.