თბილისი, 24 იანვარი — Sputnik. გაეროს სურსათისა და სოფლის მეურნეობის ორგანიზაცია (FAO) საქართველოს ორ მილიონ ევროს გამოუყოფს სოფლის მეურნეობის სფეროში პროექტების განხორცილებისა და სოფლების განვითარებისთვის, ნათქვამია საქართველოს მთავრობის განცხადებაში Facebook-გვერდზე.
პროექტის ფარგლებში ასევე დაგეგმილია სოფლების განვითარების პოლიტიკის შემუშავება და ბუნებრივი რესურსების სტაბილური გამოყენება. პროექტი, რომელსაც FAO განახორციელებს, დაფინანსებულია ავსტრიის განვითარების სააგენტოს მიერ (ADC).
პროექტის ფარგლებში განხორციელებული ღონისძიებები მიმართული იქნება ქართველი ფერმერების კონკურენტუნარიანობის ამაღლებისა და კლიმატში აგრომრეწველობით გამოწვეული ცვლილებების შემცირებისკენ.
FAO გაეროს სპეციალური დაწესებულებაა, რომელიც შიმშილთან ბრძოლის საერთაშორისო ძალისხმევას ხელმძღვანელობს.
ორგანიზაციის მთავარი მიზანია სასურსათო უსაფრთხოების უზრუნველყოფა ყველასთვის და მოსახლეობისთვის მაღალი ხარისხის საკვების რეგულარული ხელმისაწვდომობის უზრუნველყოფა. FAO-ში გაწევრიანებულია 194-ზე მეტი სახელმწიფო და ის მუშაობს მთელ მსოფლიოში 130-ზე მეტ ქვეყანაში.