თბილისი, 31 დეკემბერი — Sputnik. დედაქალაქის მერიისა და კერძოდ, მერის, კახა კალაძის გადაწყვეტილებით, თბილისში ახალი წლის ღამეს საზოგადოებრივი ტრანსპორტი მგზავრებს უფასოდ მოემსახურება.
გარდა ამისა, დღესასწაულთან დაკავშირებით თბილისის მეტრო და ავტობუსები დილის 04:00 საათამდე იმუშავებენ, საბაგირო კი 03:00 საათამდე. როგორც კალაძემ აღნიშნა, ახალი წლის ღამეს დედაქალაქში 74 მარშრუტზე 156 ერთეულამდე ავტობუსი, ძირითადად, 30-წუთიანი ინტერვალით იმოძრავებს.
„ისინი მგზავრებს სადღესასწაულო ღონისძიებების ადგილამდე, პირველი რესპუბლიკის მოედნამდე, ასევე მეტროს სადგურებამდე და ცენტრალურ სატრანსპორტო კვანძებამდე გადაიყვანენ", – განაცხადა კახა კალაძემ.
მეტროპოლიტენი მგზავრებს შობის ღამესაც, კერძოდ, 7 იანვრის 04:00 საათამდე, გახანგრძლივებული გრაფიკითა და უფასოდ მოემსახურება.