თბილისი, 22 დეკემბერი — Sputnik. ჭიათურაში მანგანუმის მადნის გადამამუშავებელი ახალი, თანამედროვე ქარხანა აშენდა, ნათქვამია კომპანია Georgian Manganese-ის Facebook-გვერდზე გავრცელებულ განცხადებაში.
ჭიათურაში საბაგირო წლის ბოლოსთვის გაიხსნება >>
Georgian Manganese-მა, რომელიც მანგანუმის მადნის მომპოვებელი მაღაროების ოპერატორია, ქარხნის მშენებლობაში 20 მილიონი დოლარის ინვესტიცია განახორციელა.
ქარხანა გერმანული წარმოების თანამედროვე დანადგარებით არის აღჭურვილი და 3,5 ჰექტარ მიწის ნაკვეთზეა განთავსებული.
მანგანუმის მადანს ჭიათურაში 1879 წლიდან მოიპოვებენ. დღეისათვის იქ ხუთი მაღარო და მანგანუმის მომპოვებელი-გადამამუშავებელი ქარხანა მუშაობს.
მანგანუმის კონცენტრატისა და მანგანუმის მადნის ექსპორტი მნიშვნელოვან პოზიციას იკავებს. 2018 წლის იანვარ-ნოემბერში ის 14,5 მილიონ აშშ დოლარს გაუტოლდა.
Georgian Manganese წარმოადგენს Georgian American Alloys Company-ს შვილობილ კომპანიას.