თბილისი, 25 ნოემბერი - Sputnik. ცხოველთა უფლებადამცველი და ვეტერინარული კლინიკა „მარკოს" ხელმძღვანელი ირმა მთიულიშვილი გორში მიუსაფარი ძაღლებისთვის გამოსაზამთრებლად შესაბამისი სახლების დამზადებას გეგმავს, იუწყება ტელეკომპანია Imedi.
ცხოველთა უფლებადამცველი ამ ეტაპზე მოხალისეებს ეძებს.
„ამ ეტაპზე ვეძებ მოხალისეებს, დურგლებს, ასევე ადამიანებს, ვისაც აქვთ საშუალება დაგვეხმარონ ფინანსურად, ან მოგვაწოდონ მასალები სახლების გასაკეთებლად. გორის მუნიციპალიტეტის მერიაც შეგვპირდა დახმარებას. ერთ-ერთი მოქალაქე უკვე ამზადებს და რამდენიმე დღეში გადმოგვცემს 3 ცალ სახლს", - წერს ირმა მთიულიშვილი სოციალურ ქსელში.
არსებული ინფორმაციიით, მიუსაფარი ძაღლებისთვის ბუნაგებს ქალაქის სხვადასხვა უბანში დადგამენ.