თბილისი, 24 ნოემბერი – Sputnik. „იარტ გალერეაში” შშმ ბავშვების დასახმარებლად ქართველი მხატვრების ნამუშევრების საქველმოქმედო გამოფენა-გაყიდვა გაიმართება, ნათქვამია ორგანიზატორების მიერ გავრცელებულ განცხადებაში.
გავრცელებული ინფორმაციით, გამოფენაზე წარმოდგენილი იქნება 60 ქართველი მხატვრის 80–მდე ნამუშევარი, რომელთა მინიმალური ღირებულება 50 ლარი, ხოლო მაქსიმალური - 2000 ლარია.
გამოფენაზე წარმოდგენილი იქნება რუსუდან ფეტვიაშვილის, თემურ გოცაძის, შალვა მატუაშვილის, ნიკო ხერკილაძის, ნიკო და მამუკა ცეცხლაძეების, ცირა კალანდაძის, ქეთი მატაბელის და სხვათა ნამუშევრები.
გამოფენიდან შემოსული თანხა სრულად მოხმარდება ფონდ „ღვთისშვილების" ბენეფიციარებს. 15 შშმ ბავშვის ოჯახები საკვებ პროდუქტებს და ფულად თანხას მიიღებენ.
გამოფენა-გაყიდვა 25 ნოემბერს, „იარტ გალერეაში” გაიმართება.