თბილისი, 24 ნოემბერი – Sputnik. თურქეთის მოქალაქე თავს დაესხა ქალებს ბათუმში მდებარე კაზინოში, თავდასხმის შედეგად ერთი ქალი დაიღუპა, იუწყება პირველი არხი.
გამოძიების ინფორმაციით, 57 წლის მამაკაცმა ეჭვიანობის ნიადაგზე ცივი იარაღით ჭრილობები მიაყენა უზბეკეთის რესპუბლიკის მოქალაქეებს - 1987 წელს დაბადებულ ი.ზ.-ს და 1980 წელს დაბადებულ ჰ.მ.-ს. ი.ზ. საავადმყოფოში მიყვანამდე გარდაიცვალა.
დაშავებული ქალბატონი საავადმყოფოშია, დაღუპულის ცხედარს ექსპერტიზა უტარდება.
სისხლის სამართლის საქმე სსკ-ის 108-ე მუხლით აღიძრა („განზრახ მკვლელობა“), რაც ისჯება თავისუფლების აღკვეთით ვადით 7-დან 15 წლამდე.