თბილისი, 17 ნოემბერი — Sputnik. გარემოს დაცვისა და სოფლის მეურნეობის სამინისტროს გარემოს ეროვნული სააგენტოს სპეციალისტების ჯგუფი აკვირდება სიტუაციას მცხეთა–სტეფანწმინდა–ლარსის გზის გუდაური-კობის მონაკვეთზე, რომელიც ზვავსაშიშროების გამო მესამე დღეა დაკეტილია, ნათქვამია უწყების Facebook-გვერდზე გავრცელებულ განცხადებაში.
სპეციალისტების რეკომენდაციით, რთული მეტეოროლოგიური პირობების და ზვავსაშიშროების გამო გუდაური-კობის მონაკვეთზე გაწმენდითი სამუშაოები დღის განმავლობაში რეკომენდირებული არ არის. ეს ერთადერთი გზაა, რომელის საქართველოს რუსეთთან აკავშირებს.
მაღალმთიანეთში უქმეებზე 5 გრადუსამდე სითბო იქნება. კვირას ღამით ჰაერის ტემპერატურა მინუს 9-10 გრადუსამდე დაიკლებს.