თბილისი, 14 ნოემბერი - Sputnik. მარნეულში სტადიონზე ვარჯიშისას 16 წლის ბიჭი გარდაიცვალა, განუცხადეს „Sputnik –საქართველოს“ შინაგან საქმეთა სამინისტროში.
შემთხვევა მარნეულის მუნიციპალიტეტის სოფელ წერეთელში დღეს მოხდა.
მოზარდი ვარჯიშის დროს შეუძლოდ გახდა. ის საავადმყოფოში მიყვანამდე გარდაიცვალა.
სისხლის სამართლის საქმე 116-ე მუხლით აღიძრა, რაც გულისხმობს სიცოცხლის მოსპობას გაუფრთხილებლობით, და ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით ორიდან ოთხ წლამდე.