თბილისი, 31 ოქტომბერი — Sputnik. თბილისის მერია კამპანია „გაუფრთხილდი ქალაქს" იწყებს, რომლის ფარგლებშიც თბილისელები ქალაქის მოვლის პროცესში ჩართვას შეძლებენ, განაცხადა თბილისის მერმა კახა კალაძემ ქალაქის მთავრობის სხდომაზე.
კალაძე თბილისის პარკების რეაბილიტაციას იწყებს>>>
კამპანიის „გაუფრთხილდი ქალაქს" მიზანი საზოგადოების ცნობიერების ამაღლება, სოციალური პასუხისმგებლობის გაზრდა და ქალაქზე ზრუნვის კულტურის განვითარებაა.
„ხშირია განახლებული სკვერების, მოწესრიგებული ქუჩების მიზანმიმართული დაზიანების შემთხვევები. ბევრი ასეთი ვანდალური ფაქტია, რომლის ამსახველი ვიდეოკადრებიც არსებობს და მათ აუცილებლად მივაწვდით მოსახლეობას... კამპანია ყველა მოქალაქეს საშუალებას მისცემს, მაქსიმალურად ჩაერთოს ქალაქის მოვლა-პატრონობის პროცესში, გაუფრთხილდეს არსებულ ინფრასტრუქტურას, მწვანე საფარს, იზრუნოს სისუფთავეზე", - აღნიშნა კალაძემ.
ქალაქის მერმა იმედი გამთქვა, რომ აღნიშნული პროექტს დედაქალაქის მოსახლეობა მხარს დაუჭერს.