თბილისი, 29 ოქტომბერი — Sputnik. ბათუმში საცხოვრებელი სახლის ფანჯრიდან 55 წლის მამაკაცი გადავარდა, იუწყება ტელეკომპანია Adjara TV.
ადგილზე მისულ სასწრაფო დახმარების ბრიგადას მამაკაცი უკვე გარდაცვლილი დახვდა. მისი ცხედარი ექსპერტიზის ბიუროში გადაასვენეს.
შსს-ს ინფორმაციით, გამოძიება დაიწყო სსკ-ის 115-ე მუხლით, რაც თვითმკვლელობამდე მიყვანას გულისხმობს და 3 წლამდე თავისუფლების შეზღუდვას ან 2-დან 4 წლამდე თავისუფლების აღკვეთას ითვალისწინებს.
გამოძიება ამჟამად მომხდარის სხვა დეტალებს ადგენს.