ამომრჩეველთა აქტივობამ 10:00 საათისთვის 6%-ს გადააჭარბა

თბილისი, 28 ოქტომბერი — Sputnik.  საქართველოში საპრეზიდენტო  არჩევნებში 10:00 საათისათვის ხმა საერთო ამომრჩეველთა რაოდენობის 6,15%-მა მისცა, განაცხადა ბრიფინგზე ცესკოს პრეს-სპიკერმა ანა მიქელაძემ.

საპრეზიდენტო არჩევნებზე საარჩევნო უბნები 08:00 საათზე გაიხსნა და 20:00 საათზე დაიხურება. 

„ამ დროისთვის ყველა საარჩევნო უბანში ხმის მიცემის პროცესი მშვიდ ვითარებაში მიმდინარეობს. 10 საათისათვის ამომრჩეველთა აქტივობამ 6,15%, რაოდენობრივად 215329 ამომრჩეველი შეადგინა“, — განაცხადა ანა მიქელაძემ.

საქართველოს მოქალაქეები ქვეყნის მეხუთე პრეზიდენტს ირჩევენ. მომავალში პრეზიდენტის არჩევის პრეროგატივა საარჩევნო კოლეგიას ექნება.