თბილისი, 25 ოქტომბერი — Sputnik. გორში, წმინდაწყლის დასახლებაში რვა წლის გოგონას ეძებენ, იუწყება საზოგადოებრივი მაუწყებლის პირველი არხი.
ოჯახის წევრების განცხადებით, ბავშვი სახლიდან 14:30 საათზე გავიდა. ის ცეკვის წრეზე უნდა მისულიყო, რომელიც სკოლის შენობაში ფუნქციონირებს.
სკოლა ბავშვის სახლიდან დაახლოებით ერთი კილომეტრით დაშორებით მდებარეობს. სკოლამდე მისული გოგონა არავის უნახავს.
გოგონას დაკარგვის შესახებ შეტყობინება შსს-ში შევიდა. ბავშვს ოჯახის წევრები და პოლიცია ამ დრომდე უშედეგოდ ეძებენ.