თბილისი, 6 ოქტომბერი – Sputnik. შინაგან საქმეთა სამინისტროს თანამშრომლებმა ყაჩაღობის ბრალდებით 23 წლის მამაკაცი დააკავეს, ნათქვამია უწყების ვებგვერდზე გავრცელებულ განცხადებაში.
გამოძიების ინფორმაციით, ბრალდებული დუშეთის მუნიციპალიტეტის სოფელ ხორხში 76 წლის პენსიონერს საცხოვრებელ სახლში ყაჩაღურად დაესხა თავს და ძალადობითა და მუქარით 9 ათასი ლარი წაართვა.
პოლიციამ დანაშაულის ჩადენის იარაღი - დანა და გატაცებული თანხა ნივთმტკიცებად ამოიღო. ბრალდებული ჩადენილ დანაშაულს აღიარებს.
გამოძიება ყაჩაღობის ფაქტზე, საქართველოს სსკ-ს 179-ე მუხლის მე-3 ნაწილის "ბ" ქვეპუნქტით მიმდინარეობს. დანაშაული რვიდან 12 წლამდე ვადით თავისუფლების აღკვეთას ითვალისწინებს.