თბილისი, 19 სექტემბერი — Sputnik. თბილისში 23-25 სექტემბერს კანადური კინოს დღეები გაიმართება, იუწყებიან ორგანიზატორები.
ფილმების ჩვენება იუსტიციის სამინისტროს ეროვნული არქივის კინოთეატრში გაიმართება.
ღონისძიების ორგანიზატორები არიან საქართველოს ეროვნული არქივი და კანადის დელჰაუზის უნივერსიტეტი.
მაყურებელი იხილავს სხვადასხვა თაობის კანადელი რეჟისორების მხატვრულ, დოკუმენტურ და ანიმაციურ ფილმებს.
ფილმები წარმოდგენილი იქნება ორიგინალის ენაზე ქართული სუბტიტრებით.
სეანსებზე დასწრება თავისუფალია. კანადური კინოს დღეების პროგრამას გაეცანით აქ.