თბილისი, 7 სექტემბერი — Sputnik. ქობულეთის მუნიციპალიტეტის სოფელ ლეღვაში 16 წლის გოგონა სანადირო თოფიდან გასროლილმა ტყვიამ იმსხვერპლა, იუწყება ტელეკომპანია Rustavi2.
მომხდარზე გამოძიება სისხლის სამართლის კოდექსის 116-ე მუხლით მიმდინარეობს, რაც სიცოცხლის მოსპობას გაუფრთხილებლობით გულისხმობს.
ტელეკომპანიის მიერ გავრცელებული ერთი ვერსიით, გოგონას არასრულწლოვანი ძმის მიერ სანადირო თოფიდან გასროლილი ტყვია შემთხვევით მოხდა, ხოლო მეორე ვერსიის თანახმად, მოზარდს ცეცხლსასროლი იარაღი თაროდან ჩამოუვარდა და ამ დროს გავარდნილმა ტყვიამ იმსხვერპლა. მეზობლის განცხადებით, ინციდენტის დროს სახლში მხოლოდ და-ძმა იმყოფებოდა.
გოგონას ცხედარი პროზექტურაშია გადასვენებული.