თბილისი, 31 ივლისი — Sputnik. ქართველი ვეტერანი ფეხბურთელები კმაყოფილები არიან რუსეთში გამართული 2018 წლის ფეხბურთის მსოფლიო ჩემპიონატის შედეგებით და ორგანიზაციის დონით.
2018 წლის მსოფლიო ჩემპიონატი რუსეთის 11 ქალაქში 14 ივნისიდან 15 ივლისის ჩათვლით გაიმართა. ჩემპიონატში 32 გუნდი მონაწილეობდა. მსოფლიო-2018-ის გამარჯვებული საფრანგეთის ნაკრები გახდა.
„როგორც რიგითმა ქომაგმა შემიძლია ვთქვა, რომ ჩემპიონატი ძალიან მაღალ დონეზე ჩატარდა. ჩემი აზრით, ეს ერთ-ერთი საუკეთესო ჩემპიონატი იყო. მსოფლიო ჩემპიონატები 1966 წლიდან მახსოვს, და ეს ნამდვილად ერთ-ერთი საუკეთესო ჩემპიონატი იყო“, — განაცხადა „Sputnik–საქართველოს" მულტიმედიურ პრეს-ცენტრში გამართულ მრგვალ მაგიდაზე ფეხბურთის ვეტერანმა თეიმურაზ ჩხეიძემ.
მისი თქმით, ის ბრაზილიის ნაკრებს გულშემატკივრობდა და ფინალში მის ნახვას ელოდა.
„დღეისათვის ფეხბურთში მნიშვნელოვანია მაღალი სისწრაფე, სერიოზული დატვირთვები და გამძლეობა. მაღალ დონეზე აღმოჩნდა მედიცინა, ტრავმების შემდეგ ფეხბურთელების აღდგენის პროცესები სწრაფად მიდიოდა. გარდა ამისა, ჩემპიონატზე მნიშვნელოვანი გახდა სისწრაფე და მაღალი ოსტატობა, ასევე ფეხბურთელების უნარი შეასრულოს არამარტო საკუთარი ფუნქცია მინდორზე, არამედ გამარჯვებისთვის მთელი გუნდის მობილიზების უნარი“, — განაცხადა ქანთარიამ.
საფეხბურთო კლუბ „ვიტ-ჯორჯიას" საფეხბურთო სკოლის მწვრთნელმა გელა ბანცურიმ აღნიშნა, რომ საფრანგეთის ნაკრების გამარჯვება დამსახურებული იყო.
ქართველმა ვეტერანმა ფეხბურთელებმა რუსეთის ნაკრების შთამბეჭდავ თამაშსა და მისი სამწვრთნელო შტაბის დამსახურებას მაღალი შეფასება მისცეს და აღნიშნეს, რომ გუნდმა მსოფლიო ჩემპიონატზე მაქსიმუმი აჩვენა.