თბილისი, 26 ივლისი — Sputnik. გურიის გუბერნატორმა მერაბ ჭანუყვაძემ თანამდებობა დატოვა, იუწყება ტელეკომპანია Imedi.
ყოფილ გუბერნატორს თანამდებობიდან წასვლის მიზეზი არ დაუსახელებია.
მერაბ ჭანუყვაძე გურიის გუბერნატორის პოსტზე 2017 წლის 23 აგვისტოს დაინიშნა. მანამდე ის ოზურგეთის გამგებელი იყო. ჭანუყვაძე ამ ეტაპზე „ქართული ოცნება-დემოკრატიული საქართველოს" ოზურგეთის ორგანიზაციის თავმჯდომარეა.
კანონმდებლობის მიხედვით, გუბერნატორის გადადგომის შემდეგ ხელმძღვანელის მოვალეობას მისი პირველი მოადგილე ასრულებს.
გავრცელებული ინფორმაციით, დღეს საქართველოს პრემიერ-მინისტრი მამუკა ბახტაძე ყველა გუბერნატორის თანამდებობიდან გაათავისუფლებას აპირებს.