თბილისი, 25 ივლისი — Sputnik. სანქტ-პეტერბურგში, ერთ-ერთი კერძო საცხოვრებელი სახლის ავტოფარეხში გაზის ბალონი აფეთქდა. შედეგად დაიღუპა სამი ადამიანი, ხოლო ორი — დაშავდა, იუწყება საინფორმაციო სააგენტო РИА Новости.
თავდაპირველად გავრცელდა ინფორმაცია ორი დაღუპულის შესახებ. მესამე ადამიანი საავადმყოფოში გარდაიცვალა. მესამე დაღუპული ქალია, რომლის ვინაობა ჯერჯერობით უცნობია.
ორი დაშავებული საავადმყოფოში რჩება.
საქმეზე მიმდინარეობს გამოძიება.