„სიახლე შეიძლება იყოს სირიასთან დაკავშირებით, უფრო ნაკლებად მოსალოდნელია რაიმე ცვლილებები უკრაინასთან დაკავშირებით. რაც შეეხება რუსეთ–ამერიკის ურთიერთობებს, აქაც არ არის მოსალოდნელი რაიმე კონკრეტული გადაწყვეტილებები“, – განუცხადა სოსო ცინცაძემ “Sputnik—საქართველოს“.
რუსეთისა და აშშ-ის პრეზიდენტები ვლადიმირ პუტინი და დონალდ ტრამპი ორშაბათს, 16 ივლისს ჰელსინკიში (ფინეთი) გამართავენ შეხვედრას. როგორც კრემლში აცხადებენ, პუტინი და ტრამპი შეხვედრაზე იმსჯელებენ ორმხრივი ურთიერთობების განვითარებაზე და საერთაშორისო დღის წესრიგის აქტუალურ საკითხებზე. ეს ორი პრეზიდენტის პირველი სრულფორმატიანი მოლაპარაკებები იქნება.