თბილისი, 13 ივლისი — Sputnik. თბილისის ზოოპარკში ლურჯი ანტილოპის მამალი გნუ დაიბადა, ნათქვამია ზოოპარკის ადმინისტრაციის განცხადებაში.
მიუხედავად იმისა, რომ პატარა ჯერ ღია ყავისფერი ფერისაა, დროთა განმავლობაში მისი ბეწვი ისეთ ფერს მიიღებს, როგორიც დედას აქვს – მონაცრისფრო–მოლურჯო ფერს.
„გაინტერესებთ როგორია? გაკნაჭული, მხიარული და დიდად მოუსვენარი. გამოძვრა თუ არა მუცლიდან, მაშინვე ფეხზე წამოხტა. ამ ახალ სამყაროში დედისა და რძის მერე ყველაზე მეტად კუნტრუში მოსწონს“, – ყვებიან ზოოპარკის თანამშრომლები.
ჯერჯერობით პატარა დედის გვერდით ყოფნას ცდილობს.