თბილისი, 9 ივლისი — Sputnik. სამების საკათედრო ტაძარში დედამ დაახლოებით ერთი თვის ჩვილი დატოვა, ნათქვამია არქიმანდრიტ იოანე მჭედლიშვილის Facebook–გვერდზე გავრცელებულ განცხადებაში.
არქიმანდრიტი ბავშვის ფოტოს და ვიდეოს აქვეყნებს, რომელშიც კარგად ჩანს თუ როგორ ეძებს დედა ტაძარში ადგილს, ბავშვი რომ დატოვოს.
სოციალურ ქსელში აღნიშნული ინფორმაცია ელვის სისწრაფით გავრცელდა. ბევრმა ადამიანმა ბავშვის წაყვანისა და მზრუნვის სურვილი გამოთქვა. სოცქსელის ზოგიერთმა მომხმარებელმა კი დაწერა, რომ დედას დახმარება სჭირდება, რათა მან თავად შეძლოს საკუთარი შვილის აღზრდა.