თბილისი, 6 ივლისი — Sputnik. კასპის მუნიციპალიტეტის სოფელ ხვითში მცხოვრები 16 წლის გოგონა ოპერაციის დროს დაიღუპა, იუწყება ტელეკომპანია Imedi.
ადგილობრივების ინფორმაციით, მოზარდს, სავარაუდოდ, ყელის არეში ჯირკვლების ანთებითი პროცესის გამო თბილისის ერთ-ერთ კლინიკაში ოპერაცია ჩაუტარდა.
„გოგონა სოფელში მუდმივი მცხოვრები არ იყო. სოფელში მუდმივად მხოლოდ მისი ბიძები ცხოვრობენ. არ იციან, კონკრეტულად რომელ საავადმყოფოში ჰყავდათ“, — განაცხადა კასპის მუნიციპალიტეტის მერის წარმომადგენელმა ლამისყანის თემში გიორგი ჭიხინაშვილმა.
ამ ეტაპზე გარდაცვალების ზუსტი მიზეზი უცნობია.