თბილისი, 23 ივნისი — Sputnik.ბელგიის ნაკრებმა მსოფლიო ჩემპიონატზე რუსეთში G ჯგუფის მეორე ტურში ტუნისის გუნდს ანგარიშით 5:2 მოუგო.
გამარჯვებული გუნდიდან დუბლები გააფორმეს ედენ აზარმა (მე-6 წუთი — პენალტი და 51-ე წუთი) და რომელუ ლუკაკუმ (16, 45+3), კიდევ ერთი გოლი გაიტანა მიში ბატშუაიმ (90). ტუნისელებიდან გოლების ავტორები გახდნენ დილან ბრონი (18) და ვაჰბი ჰაზრი (90+3).
ბელგიის ნაკრები თავის ჯგუფში ექვსი ქულით ლიდერობს. ტუნისის გუნდი, რომელმაც ტურნირზე მეორედ წააგო და ქულები ვერ დააგროვა, პლეი-ოფში გასვლის მხოლოდ თეორიულ შანსებს ინარჩუნებს.
2018 წლის მსოფლიო ჩემპიონატი რუსეთში 14 ივნისიდან 15 ივლისამდე გაგრძელდება, ტურნირის მატჩები 11 ქალაქის 12 სტადიონზე იმართება.
მთელი ინფორმაცია ფეხბურთის მსოფლიო ჩემპიონატის შესახებ იხილეთ Sputnik FIFA-2018-ის სპეცპროექტზე.