თბილისი, 18 ივნისი — Sputnik. ნავთლუღის ბაზრის ტერიტორიაზე კვირას, ღამით ხანძარი გაჩნდა, იუწყება ტელეკომპანია Rustavi2.
გავრცელებული ინფორმაციით, ხანძარმა დაახლოებით 100 კვადრატული მეტრი ფართობი მოიცვა. დამწვარია ავტომობილების მეორადი საბურავები და საყოფაცხოვრებო ნივთები. შემთხვევის ადგილზე რამდენიმე სახანძრო-სამაშველო ბრიგადა იყო მობილიზებული.
„ნაგავი დაიწვა, ცეცხლმა ეზოში შემოაღწია. არანაირი პრობლემა არაა, არავინ დაშავებულა… სახანძრო დროულად მოვიდა", — განაცხადა ტელეკომპანიასთან ერთ-ერთმა ადგილობრივმა მცხოვრებმა.
ამ დროისთვის უცნობია, რა გახდა ცეცხლის გაჩენის მიზეზი. სპეციალისტები ზარალის ოდენობას დაითვლიან.