თბილისი, 16 ივნისი — Sputnik. კახეთში ძლიერი ქარის და სეტყვის გამო გომბორის უღელტეხილზე ავტოტრანსპორტის მოძრაობა შეიზღუდა, კახეთის მიმართულებით გადაადგილება თბილისი-ბაკურციხე-თელავის მაგისტრალითაა შესაძლებელი, იუწყება შსს-ს პრესსამსახური.
საავტომობილო მოძრაობას გომბორის უღელტეხილზე შინაგან საქმეთა სამინისტროს საპატრულო დეპარტამენტის თანამშრომლები არეგულირებენ.
კახეთის მიმართულებით მოძრავი ავტომანქანები თბილისი-ბაკურციხე-თელავის საავტომობილო მაგისტრალით ისარგებლებენ. გომბორის უღელტეხილზე ავტომანქანით გადაადგილება ამინდის გაუმჯობესების შემდეგ აღდგება.