თბილისი, 14 ივნისი — Sputnik. თბილისში, ნაძალადევის რაიონში 35 წლის მამაკაცი მოკლეს, იუწყება ტელეკომპანია Imedi.
შემთხვევა დღეს, გამთენიისას მოხდა. ორ ახალგაზრდას შორის დაწყებული შელაპარაკება ჩხუბში გადაიზარდა, რა დროსაც ერთ-ერთი მათგანი ბლაგვი საგნის დარტყმის შედეგად გარდაიცვალა.
სავარაუდო დამნაშავეს, რომელიც უკვე იდენტიფიცირებულია, ასევე აღენიშნება დაზიანებები. ამ დროისათვის ის, პოლიციის მეთვალყურეობით, საავადმყოფოშია მოთავსებული.
გამოძიება დაწყებულია სსკ-ის 108-ე მუხლით („განზრახ მკვლელობა“), რაც შვიდიდან 15 წლამდე ვადით თავისუფლების აღკვეთას ითვალისწინებს.