თბილისი, 10 ივნისი — Sputnik. სამი მუშა დაშავდა გერმანიის სამხრეთ ნაწილში BMW-ს ქარხანაში ხანძრის შედეგად, იუწყება РИА Новости რადიოსადგურ Bayerischer Rundfunk-ზე დაყრდნობით.
მანამდე გავრცელდა ინფორმაცია, რომ ხანძარი მოხდა BMW-ს ქარხანაში, რომელიც ბავარიის ფედერალურ მიწაზე, ქალაქ ლანდსჰუტში მდებარეობს. ხანძრის შედეგად ქალაქში ძლიერი დაკვამლიანება მოხდა. მოსახლეობას კარების და ფანჯრების მჭიდროდ დაკეტვა ურჩიეს.
პოლიციის ინფორმაციით, მეხანძრეებმა მოახერხეს ხანძრის კერის ჩაქრობა. აალების მიზეზები დგინდება.